Escola A Florida. 3º Ciclo: 2016

luns, 19 de decembro de 2016

O Apalpador

Hoxe na nosa escola o Concello de Sanxenxo puxo a disposición das nenas e nenos unha actividade de recuperación das nosas tradicións populares. A visita do Apalpador ao centro.

A tradición conta: O vello Apalpador (Apalpabarrigas), ou Pandegueiro como se lle chama en partes do oriente ourensán, é unha figura lendaria galega que achega os agasallos aos nenos polas datas de nadal. Este xigante, de oficio carboeiro, baixaba das devesas e apalpaba as barriguiñas dos cativos. Se estaban cheas dicía: «así, así esteas todo o ano» e deixáballes unha presa de castañas. Senón calaba, pero deixáballes tamén as castañas.

Para tranquilizar aos rapaces, bulideiros pola inquedanza da chegada do Apalpador, os pais cantáballes:

Vaite logo, meu meniño (miña meniña)

marcha agora para a camiña

Que vai vir o Apalpador

a apalparche a barriguiña

Xa chegou o día grande

día do noso Señor.

Xa chegou o día grande

e virá o Apalpador.

Mañá é dia de cachela,

que haberá gran nevarada

e há vir o Apalpador

cunha mega de castañas.

Por aquela cemba

xa ven relumbrando

o señor Apalpador

para darvos o aguinaldo.

cachela=plancha furada para asar as castañas 

mega=cesta para apañar castañas e outros froitos secos

cemba=parte elevada dunha montaña ou camiño

Para saber máis sobre as celebracións do nadal noutros lugares, os personaxes que traen agasallos aos nenos e a súas historias, preme na castaña máxica.

Estátuas no comedor

A Directiva da A.N.P.A. e as monitoras do comedor da escola, mandáronos esta montaxe, esperamos que sexa do voso agrado.

Bo Nadal e Boas Festas

martes, 24 de maio de 2016

A música na rúa

Cantos artistas hai no mundo que sen ser famosos, cantan e tocan a mellor música, por ser verdadeiramente libres. Este vídeo é unha montaxe feita a partires de diferentes artistas da rúa.

Bicos a moreas!

martes, 17 de maio de 2016

sábado, 30 de abril de 2016

Proxecto Ríos

Esta semana fixemos unha caminata ata o río Pintillón en Dorrón, estamos traballando de xeito diferente os nosos ríos. Foi unha experiencia fantástica.

Saúdos a todas e todos. Coma sempre de despedida.

Bicos a moreas!

venres, 29 de abril de 2016

Querer querémoste ben!

Esta montaxe foi feita polas alumnas e alumnos de 6º como traballo final de música para demostralle a todas as persoas que queremos, que por certo, son un feixe delas.

Subscribídevos á nosa canle de YouTube.

E coma sempre xa sabedes......

Bicos a moreas!

mércores, 16 de marzo de 2016

Visita ao IES

Os alumnos e alumnas de 1º, 5º e 6º de primaria fixemos unha visita ao noso futuro IES, co galo dunha exposición de xogos tradicionais e xoguetes antiguos. O xogos dos nosos pais e nais, incluso dos nosos avós e avoas. Unha mañá marabillosa!
Aquí tedes un documental feito polo IES.